2 ആഴ്ച മുമ്പ്
.jpg)
കുഞ്ഞാലിക്കുട്ടി എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ
കുഞ്ഞാലിക്കുട്ടി എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ
പരാജയം ഭക്ഷിക്കാന്‍ വിധിക്കപ്പെട്ടവന് വീണ്ടും ഒരു കപ്പ്‌ ഐസ് ക്രീം
=========================================
പാര്‍ട്ടി നടത്തിയ അന്വേഷണത്തില്‍ പി. ശശി 'സ്ത്രീ പീഡനക്കാരന്‍' എന്ന് തെളിഞ്ഞപ്പോഴും അയാള്‍ക്കെതിരെ ഒരു പെറ്റി കേസ് പോലും എടുക്കാതെ അയാളുടെ കൂടെ സംസ്ഥാന കമ്മിറ്റിയില്‍ ഇരുന്നു പാര്‍ട്ടി കാര്യങ്ങള്‍ പല തവണ ചര്‍ച്ച ചെയ്ത അന്നത്തെ മുഖ്യമന്ത്രിയാണ് ഈ ബഹുമാനപ്പെട്ട വീ എസ് ...
ഉത്തരവാദിത്തപ്പെട്ട ആഭ്യന്തര മന്ത്രി ആയിരുന്ന കോടിയേരിയും ഒപ്പമുണ്ടായിരുന്നു ... നിഷേധിക്കാമോ സഖാക്കളെ ?!!
ഈ 'കയ്യാമക്കാരന്‍' എന്ത് കൊണ്ട് ശശിക്കെതിരെ ഒരു പെറ്റി കേസ് എടുക്കാന്‍ കൊടിയേരിയോടു പറഞ്ഞില്ല ..?
ഇപ്പോള്‍ ധൈര്യ സമേതം ഏറനാടന്‍ തമാശക്കാരന്‍ ഹംസയെ "ഏറനാടന്‍ ശുംഭന്‍" എന്നും , മലനാടന്‍ മണിയെ "എമ്പോക്കി" എന്നും വിളിക്കുവാന്‍ കഴിയുന്നത്‌ ഇവിടെ യു ഡി എഫ്ഫ് ഭരണം ഉള്ളത് കൊണ്ടാണ് ...
വലം കയ്യായിരുന്ന ഉത്തമ കമ്മൂണിസ്റ്റ് ടി പി ചന്ദ്രശേഖരന്‍ അരും കൊല ചെയ്യപ്പെട്ട കേസ് യഥാര്‍ത്ഥ പ്രതികളെ കയ്യാമം വെക്കുന്നതിലേക്ക് എത്തുന്നതിനു നന്ദി പറയേണ്ടത് കോടിയേരി പോലീസിനോടല്ല , തിരുവഞ്ചൂരിന്റെ പോലീസിനോടാണ് ..!!!!.
അങ്ങനെയുള്ള ഈ ഭരണം താഴെ പോകണമെന്ന് താങ്കള്‍ ആഗ്രഹിക്കുന്നുവെങ്കില്‍ നിങ്ങള്‍ പകര്‍ന്നു കൊടുത്ത ചന്ദ്രശേഖരന്റെയും സമാന മനസ്കരുടെയും വിപ്ലവ പോരാട്ടങ്ങളുടെ മേല്‍ വെള്ളമോഴിക്കുന്നതിനു തുല്യമാണ് അത് .
അത് കൊണ്ട് ഇരുപതോളം വര്‍ഷത്തിലധികമായി ഒരു മനുഷ്യനെ വെറും രാഷ്ട്രീയ വിരോധത്തിന്റെ പേരില്‍ ക്രൂശിക്കുന്നതില്‍ നിന്നും പിന്മാറുക .
അതിനു തയ്യാറായില്ല എങ്കില്‍,
എം എന്‍ വിജയന്‍ മാഷിന്റെ പ്രസിദ്ധമായ ഉപമ അല്പം തിരുത്തി വീണ്ടും പറയേണ്ടി വരും ..:
'പരാജയം ഭക്ഷിക്കാന്‍ വിധിക്കപ്പെട്ടവന് വീണ്ടും ഒരു കപ്പ്‌ ഐസ് ക്രീം '
(image from ...
http://epathram.com/cartoon-2010/2009/02
വിവാദ വ്യവസായം കേരളത്തെ വളര്‍ത്തില്ല
കേരള രാഷ്ട്രീയത്തിനും ജനാധിപത്യ മതേതര വ്യവസ്ഥിതിക്കും മുസ്‌ലിംലീഗ് നല്‍കിയ സംഭാവനകള്‍ നിഷ്‌കരുണം മറന്നുകൊണ്ടാണ് തീര്‍ത്തും തെറ്റായ ചില മുദ്രകള്‍ പാര്‍ട്ടിക്കുമേല്‍ ചാര്‍ത്തപ്പെട്ടിരിക്കുന്നത്. മുസ്‌ലിംലീഗിന്റെ അചഞ്ചലമായ മതേതരവീക്ഷണവും മത മൈത്രിക്കുവേണ്ടി നടത്തിയ നിരന്തരപോരാട്ടങ്ങളും ഈ വിവാദത്തിനിടെ വിസ്മരിക്കപ്പെട്ടത് ഖേദകരമാണ്
കേരള രാഷ്ട്രീയം വിവാദവ്യവസായത്തിന്റെ ഉത്പാദന കേന്ദ്രമായിരിക്കയാണ്. സമൂഹത്തിന്റെ രാഷ്ട്രനിര്‍മാണ ശേഷിയെ പോഷിപ്പിക്കുന്ന ചര്‍ച്ചകള്‍ക്കുപകരം ഭിന്നതയുടെ വിത്ത് വിതയ്ക്കുന്നതിലായിരിക്കുന്നു താത്പര്യമേറെയും. ഒരു രാജ്യത്തിന്റെ ഭാവി രൂപപ്പെടുത്തേണ്ട വര്‍ത്തമാന സന്ദര്‍ഭങ്ങളെ വിവാദങ്ങളില്‍ തളച്ചിടുന്നത് അനേക തലമുറകളെ ബാധിക്കുന്ന ഗുരുതര ഭവിഷ്യത്തുകളാണ് ക്ഷണിച്ചുവരുത്തുക.
രാഷ്ട്രീയ നേതൃത്വമായാലും മീഡിയകളായാലും ജനാധിപത്യത്തിന്റെ മറ്റേത് ഘടകങ്ങളായാലും ഇതില്‍ ഉത്തരവാദപൂര്‍വം പ്രവര്‍ത്തിച്ചില്ലെങ്കില്‍ പിന്നെ രാജ്യക്ഷേമമില്ല. വ്യക്തികളുടെ താന്‍പോരിമകള്‍ മാത്രമേ ബാക്കിയാവൂ. യു.ഡി.എഫ്. മന്ത്രിസഭയുടെ സ്വാഭാവികമായ ഒരു പുനഃക്രമീകരണത്തെ കനത്ത ചൂടും പുകയുമുള്ള വിഷയമാക്കി പരിവര്‍ത്തിപ്പിച്ചതുതന്നെ ഇതിനുദാഹരണമാണ്. വിവാദങ്ങളുടെ ബാക്കിപത്രം എന്താണ്?. പരസ്പരമുള്ള തെറ്റിദ്ധാരണകള്‍ മാത്രം. അതുണ്ടാക്കുന്ന ദൂരവ്യാപകമായ അകല്‍ച്ചകളും. ഇത്തവണത്തെ ചര്‍ച്ചയില്‍ ബോധപൂര്‍വമായും അല്ലാതെയും മുസ്‌ലിംലീഗ് ഒരു ഘടകമായി. കേരള രാഷ്ട്രീയത്തില്‍ ഇത് അഭൂതപൂര്‍വമാണ്. മുന്നണിബന്ധങ്ങളും അധികാരവിഭജനവും സംബന്ധിച്ച തര്‍ക്കങ്ങളില്‍ മാധ്യസ്ഥറോളിലല്ലാതെ ഒരു കക്ഷിയായി മുസ്‌ലിംലീഗ് പ്രത്യക്ഷപ്പെടാറില്ല. ദൗര്‍ഭാഗ്യവശാല്‍ ഇത്തവണ പതിവിന് വിരുദ്ധമായി മുസ്‌ലിംലീഗ് ഈ വിധം ഒരു ചര്‍ച്ചയിലേക്ക് വലിച്ചിഴയ്ക്കപ്പെട്ടു. അതിനു കാരണങ്ങള്‍ പലതാണ്. അതൊന്നും പുനഃപരിശോധനയ്‌ക്കെടുക്കാനല്ല ഈ കുറിപ്പ്.
പക്ഷേ, കേരള രാഷ്ട്രീയത്തിനും ജനാധിപത്യ മതേതര വ്യവസ്ഥിതിക്കും മുസ്‌ലിംലീഗ് നല്‍കിയ സംഭാവനകള്‍ നിഷ്‌കരുണം മറന്നുകൊണ്ടാണ് തീര്‍ത്തും തെറ്റായ ചില മുദ്രകള്‍ പാര്‍ട്ടിക്കുമേല്‍ ചാര്‍ത്തപ്പെട്ടിരിക്കുന്നത്. മുസ്‌ലിംലീഗിന്റെ അചഞ്ചലമായ മതേതരവീക്ഷണവും മതമൈത്രിക്കുവേണ്ടി നടത്തിയ നിരന്തരപോരാട്ടങ്ങളും ഈ വിവാദത്തിനിടെ വിസ്മരിക്കപ്പെട്ടത് ഖേദകരമാണ്. അധികാരവും പദവികളും നേടിയെടുക്കാന്‍ വര്‍ഗീയ, വിഭാഗീയ കാഴ്ചപ്പാടോടെ പ്രവര്‍ത്തിച്ച ഒരു സന്ദര്‍ഭവും മുസ്‌ലിംലീഗിന്റെ ഇതഃപര്യന്തമുള്ള ചരിത്രത്തിലില്ല.
മത സൗഹാര്‍ദത്തിന് പോറലേല്പിക്കുന്ന ഏത് നീക്കത്തെയും മുസ്‌ലിംലീഗ് ചെറുത്ത് തോല്പിച്ചിട്ടുണ്ട്. മറ്റെന്താരോപിച്ചാലും മുസ്‌ലിംലീഗിനുമേല്‍ വര്‍ഗീയമുദ്ര ചാര്‍ത്താന്‍ ആര്‍ക്കുമാവില്ല. സമൂഹത്തില്‍ വര്‍ഗീയ വിഭജനത്തിന്റെ വിഷക്കാറ്റ് പടരാതിരിക്കാന്‍ പ്രതിരോധംതീര്‍ത്ത മുസ്‌ലിംലീഗിനെ രാഷ്ട്രീയ പ്രതിയോഗികള്‍ പോലും പ്രകീര്‍ത്തിച്ചിട്ടുണ്ട്. സാംസ്‌കാരിക നായകരും ദേശീയമാധ്യമങ്ങളും രാജ്യത്തിന്റെ ഭരണനേതൃത്വവുമെല്ലാം മതമൈത്രിക്കും മതേതരത്വത്തിനുമായി മുസ്‌ലിംലീഗ് നടത്തിയ പരിശ്രമങ്ങളെ അംഗീകരിച്ചു. ഇത്തരം സന്ദര്‍ഭങ്ങളില്‍ മുസ്‌ലിംലീഗ് അതീജാഗ്രതപുലര്‍ത്തി. ബാബറി മസ്ജിദ് തകര്‍ക്കപ്പെട്ട സമയം തന്നെ എടുക്കുക. പ്രതിഷേധം ജ്വലിച്ചു നില്‍ക്കുകയാണ്. പാണക്കാട് സയ്യിദ് മുഹമ്മദലി ശിഹാബ് തങ്ങള്‍ ഒന്നു ചാഞ്ഞു നിന്നിരുന്നെങ്കില്‍ ഇന്നത്തെ കേരളം മറ്റൊന്നാകുമായിരുന്നു. സാമുദായിക വൈരത്തിന്റെ തീ പടരാന്‍ സാഹചര്യങ്ങളേറെയുണ്ടായിട്ടും കേരളം ശാന്തമായി നിന്നു, രാജ്യത്തിന് മാതൃക കാണിച്ചു. ഇതിനു പ്രചോദകമായ ഘടകങ്ങള്‍ പരിശോധിച്ചാലറിയാം സമാധാന സംസ്ഥാപനത്തിന് മുസ്‌ലിംലീഗ് അര്‍പ്പിച്ച അനര്‍ഘസംഭാവനകള്‍.
സി.എച്ച്. മുഹമ്മദ് കോയയുടെ പ്രസംഗങ്ങള്‍ ഇന്നും കര്‍ണപുടങ്ങളില്‍ വന്നലയ്ക്കുന്നു. ''നാം ഒരേ ഭാഷ സംസാരിക്കുന്നു. ഒരേ ഭക്ഷണം കഴിക്കുന്നു. ഒരേ വേഷം ധരിക്കുന്നു. സിരകളില്‍ ഒരേ നിറമുള്ള രക്തമൊഴുകുന്നു. എവിടെയാണ് നമ്മള്‍ തമ്മില്‍ വ്യത്യാസം?'' ജനക്കൂട്ടത്തിലേക്ക് ചോദ്യമെറിയുന്നു അദ്ദേഹം. ഒരേ ഒരിന്ത്യ, ഒരൊറ്റ ജനത എന്ന മുദ്രാവാക്യം വിളിപ്പിക്കുന്നു.
മുസ്‌ലിംലീഗിന്റെ എക്കാലത്തെയും ചരിത്രം ഇതാണ്. മത സൗഹാര്‍ദത്തിനും മതേതരത്വത്തിനുമായി സന്ധിയില്ലാതെ പൊരുതിയ അധ്യായങ്ങള്‍. ജാതി- മത നിറംനോക്കി ആര്‍ക്കെങ്കിലുമെതിരെ അധികാരം ദുരുപയോഗിച്ചു എന്ന ആക്ഷേപം ഇന്നോളം മുസ്‌ലിംലീഗിനെതിരിലുയര്‍ന്നിട്ടില്ല. മുസ്‌ലിംലീഗ് മന്ത്രിമാര്‍ കൈകാര്യംചെയ്ത വകുപ്പുകളുടെ പരിധിയില്‍ നിന്ന് ഒരു ദ്രോഹ നടപടിയും ആര്‍ക്കുമെതിരിലുമുണ്ടായിട്ടുമില്ല. ഭരണാധികാരികള്‍ നീതിനിഷേധിക്കുമ്പോള്‍ മുസ്‌ലിംലീഗ് ശബ്ദമുയര്‍ത്തും. അടിച്ചമര്‍ത്തപ്പെട്ടവരുടെ അവകാശ സ്വരം. അത് സംഘടനാ ദൗത്യമാണ്.
എല്ലാവരോടും നീതികാണിക്കണമെന്ന് യു.ഡി.എഫില്‍ എപ്പോഴും വാദിക്കുന്ന കക്ഷിയാണ് മുസ്‌ലിംലീഗ്. സംഘടനയുടെ ഈ പാരമ്പര്യ സമീപനരീതികള്‍ എക്കാലവും തുടരുക തന്നെ ചെയ്യും. മുന്നണിക്കകത്ത് അസ്വാരസ്യങ്ങളും തര്‍ക്കങ്ങളുമുണ്ടാകുമ്പോള്‍ ഒരു തീര്‍പ്പുണ്ടാകണമെന്ന നിശ്ചയത്തോടെ, എല്ലാവരും യോജിച്ചു പോകണമെന്ന അഭിലാഷത്തോടെ ഇടപെടുന്നതാണ് മുസ്‌ലിംലീഗിന്റെ വേഷം. ഒത്തുതീര്‍പ്പുകള്‍ക്കു മുന്‍കൈ എടുക്കുന്ന ആ സമീപനമാണ് മുസ്‌ലിംലീഗ് തുടരുക. മധ്യസ്ഥനാകുമ്പോള്‍ അപ്പക്കഷ്ണം വലിയത് എടുക്കാമെന്ന് മുസ്‌ലിംലീഗ് ഒരിക്കലും കരുതിയിട്ടില്ല.
പുതിയ സംഭവവികാസങ്ങളുടെ ഉത്ഭവവും ആരംഭ ഘട്ടത്തില്‍ മുസ്‌ലിംലീഗ് കൈക്കൊണ്ട വിട്ടുവീഴ്ചയില്‍ നിന്നാണ്. തിരഞ്ഞെടുപ്പില്‍ ഭൂരിപക്ഷം നേടിയ മുന്നണിയാണ്. അനിശ്ചിതത്വം ഒഴിവാക്കി സര്‍ക്കാര്‍ രൂപവത്കരണം ആദ്യം നടക്കട്ടെ, അഞ്ചാമത്തെ പദവി സംബന്ധിച്ച തീരുമാനം പിന്നീടാകാമെന്ന് മുസ്‌ലിംലീഗ് നിലപാടെടുത്തു. മറ്റു പദവികള്‍ നല്‍കിക്കഴിഞ്ഞപ്പോള്‍ മന്ത്രിസ്ഥാനമല്ലാതെ ഒന്നും ഇല്ലെന്നായി. ഉപതിരഞ്ഞെടുപ്പു കൂടി കഴിഞ്ഞതോടെ ഉചിതമായ അവധി പറയാനുമില്ല. സ്വാഭാവികമായും അതൊരു അഭിമാനപ്രശ്‌നമായി വളര്‍ന്നു. രാഷ്ട്രീയ വിവാദങ്ങളുടെ 'ബോംബ്' ആയി പലരും ചേര്‍ന്ന് അത് വികസിപ്പിച്ചു. അങ്ങനെയൊരു ദുര്യോഗം ഈ വിഷയത്തിലുണ്ടായതില്‍ വിഷമവും ഖേദവുമുണ്ട്. കോണ്‍ഗ്രസ്സോ മുസ്‌ലിംലീഗോ ബോധപൂര്‍വം ഒന്നും ചെയ്തതല്ല. പ്രശ്‌നത്തിന്റെ മൂര്‍ധന്യം ഇങ്ങനെയൊക്കെയായെന്ന് മാത്രം. അതുണ്ടാക്കിയ പരിക്കുകളും മുറിവുകളും വേഗം ശമിക്കട്ടെ.
എല്ലാം തത്സമയ വികാരപ്രകടനങ്ങളായിരുന്നുവെന്ന് കരുതി നേതാക്കളും പ്രവര്‍ത്തകരുമുള്‍പ്പെടെയുള്ളവര്‍ പരസ്പരം ക്ഷമിച്ചും പൊറുത്തും യു.ഡി.എഫിനെ ശക്തിപ്പെടുത്തി മുന്നോട്ടുപോകണം. മുന്നണിയുടെ കെട്ടുറപ്പിനും വിജയത്തിനും വേണ്ടി കഠിനാധ്വാനം ചെയ്യുന്ന പ്രസ്ഥാനമാണ് മുസ്‌ലിംലീഗ്. കണ്ണൂരില്‍ മാര്‍ക്‌സിസ്റ്റ് കിരാതവാഴ്ചയ്‌ക്കെതിരെ ജീവന്‍ പണയപ്പെടുത്തിയാണ് പ്രവര്‍ത്തിക്കുന്നത്. സംസ്ഥാനത്തിന്റെ പല ഭാഗത്തും സി.പി.എമ്മിന്റെ ആക്രമണപരമ്പരകള്‍ക്ക് മുസ്‌ലിംലീഗ് വിധേയമായി. യു.ഡി.എഫിന്റെ വിജയത്തിനുവേണ്ടി വിശ്രമരഹിതമായി പ്രവര്‍ത്തിക്കുന്നതാണ് അവരുടെ പ്രകോപനത്തിനു കാരണം. ഇത്തരം മണ്ഡലങ്ങളിലധികവും യു.ഡി.എഫിനുവേണ്ടി മത്സരിക്കുന്നത് മുസ്‌ലിംലീഗ് സ്ഥാനാര്‍ഥികളല്ല എന്നതും ശ്രദ്ധിക്കണം. മാര്‍ക്‌സിസ്റ്റ് അക്രമങ്ങള്‍ ഭയക്കാതെ രണ്ടും കല്പിച്ചിറങ്ങുന്നത് മുസ്‌ലിംലീഗിന്റെ വ്യക്തിപരമായ നേട്ടത്തിനല്ല. കണ്ണൂര്‍ തന്നെ ഉദാഹരണം. കെ. സുധാകരനെയും മുസ്‌ലിംലീഗ് നേതാക്കളെയും അവിടെ ലീഗ് പ്രവര്‍ത്തകര്‍ വേര്‍തിരിച്ചു കണ്ടിട്ടില്ല. സംസ്ഥാനത്തെവിടെയും ഇതാണ് മുസ്‌ലിംലീഗിന്റെ പ്രവര്‍ത്തന ശൈലി.
അത്രയും ദൃഢമായ സഹോദര സ്‌നേഹത്തില്‍ കഴിയുന്നതിനിടെയുണ്ടായ അഭിപ്രായ ഭിന്നതകളെ പല കേന്ദ്രങ്ങളും ചേര്‍ന്ന് വികസിപ്പിച്ചു. ഊഹങ്ങളെ അടിസ്ഥാനമാക്കി അഭിമാനക്ഷതം വരുത്തുന്ന വാര്‍ത്തകള്‍ പ്രചരിപ്പിച്ചു. അത് മനസ്സിനു മുറിവേല്പിച്ചപ്പോള്‍ അണികളില്‍ ചിലരില്‍ നിന്നു കടുത്ത പ്രതികരണങ്ങളുണ്ടായി എന്നത് നിഷേധിക്കുന്നില്ല. ഈ വിഷയത്തില്‍ തെറ്റായരീതികള്‍ അവലംബിച്ചവര്‍ക്കെതിരെ പാര്‍ട്ടി കര്‍ശന നടപടിയെടുത്തു. ചില പ്രകടനങ്ങള്‍, പ്രതികരണങ്ങള്‍ എല്ലാം ഈ നടപടിക്കു വിധേയമായി. അതെല്ലാം അടഞ്ഞ അധ്യായമാണ്. ഇനിയൊരു പുനഃപരിശോധന അര്‍ഹിക്കാത്തതും ആവര്‍ത്തിക്കപ്പെടാന്‍ പാടില്ലാത്തതുമാണ്. പക്ഷേ, ഇതിന്റെ മറുവശം പതിയിരുന്ന അപകടമാണ് പലരും കാണാതെ പോയത്. രാഷ്ട്രീയ കക്ഷികള്‍ തമ്മിലെ തര്‍ക്കങ്ങള്‍ പറഞ്ഞുവലുതാക്കി സാമുദായിക ചേരിതിരിവ് സൃഷ്ടിക്കുകയാണ്. നാടിനോ സമൂഹത്തിനോ ഇത് ഭൂഷണമല്ല. യു.ഡി.എഫ്. കക്ഷികള്‍ തമ്മിലെ അഭിപ്രായഭിന്നത മീഡിയകള്‍ ഏറ്റെടുത്തപ്പോള്‍ അത് അസഹ്യവും ഭീഷണവുമായ രൂപം പ്രാപിച്ചു. മതവും ജാതിയും വേര്‍തിരിച്ചു മറകൂടാതെ വര്‍ഗീയത വിളിച്ചുപറയുന്ന ഗുരുതരമായ സ്ഥിതിവിശേഷമുണ്ടായി. ഇത് സംസ്ഥാനത്ത് കേട്ടുകേള്‍വിയില്ലാത്തതാണ്. മലയാളികള്‍, കേരളീയര്‍ എന്നൊക്കെ വിശേഷിപ്പിക്കപ്പെട്ടുപോന്നവര്‍ മതത്തിന്റെയും ജാതിയുടെയും പേരില്‍ മാത്രമായി സംബോധന ചെയ്യപ്പെടുക എന്നത് നാടിന്റെ മതേതര വ്യവസ്ഥിതി നേരിടുന്ന മഹാദുരന്തമാണ്.
രാജ്യത്തെ പ്രബുദ്ധ സമൂഹമെന്നവകാശപ്പെടുന്നവര്‍ സമുദായത്തിന്റെ കള്ളിവരച്ച് അധികാരത്തിന്റെ വീതം വെപ്പ് ചര്‍ച്ച ചെയ്യുന്നത് അങ്ങേയറ്റം ഹീനമായ നടപടിയാണ്. മതവിശ്വാസം പരമപ്രധാനമാണ്. അത് വ്യക്തിയുടെ സ്വാതന്ത്ര്യവും കര്‍മവും ജീവിതവുമാണ്. ഒരു സര്‍ക്കാറിന്റെ പുനഃക്രമീകരണത്തെ സങ്കുചിത സാമുദായികതയുടെ മുദ്രയടിച്ച് ചര്‍ച്ച ചെയ്യുന്നത് മനോരോഗമാണ്. ഓര്‍മവെച്ച നാള്‍ മുതല്‍ ജാതി - മത വേര്‍തിരിവില്ലാതെ ഒത്തൊരുമയെക്കുറിച്ച് കേട്ടുവളര്‍ന്നവര്‍ക്ക് വര്‍ഗീയ വിഭജനത്തോട് യോജിക്കാനാവില്ല. ജാതിയുടെയും മതത്തിന്റെയും പേരിലുള്ള തമ്മില്‍ത്തല്ല് കണ്ടാസ്വദിക്കാന്‍ ഒരു നല്ല കേരളീയനോ യഥാര്‍ഥ വിശ്വാസിക്കോ കഴിയില്ല. മുസ്‌ലിംലീഗുകാര്‍ അത് ശീലിച്ചിട്ടില്ല. ഒരു ഭരണചുമതലക്കാരനുണ്ടാവുമ്പോള്‍ അത് ഏത് സമുദായക്കാരനാണെന്ന് നോക്കി പ്രതികരിക്കുന്നത് കേരളത്തിന്റെ പൊതുസ്വഭാവമല്ല. കാര്യസാധ്യത്തിനായി പച്ചയ്ക്കു ജാതിപറയുന്ന ഈ പരിപാടി ആരായാലും നിരുത്സാഹപ്പെടുത്തണം. നമുക്ക് ശേഷം പ്രളയമല്ല. ഇനിയുള്ള തലമുറകളും ഇവിടെ സ്‌നേഹത്തോടെ കഴിയണം.
പ്രസംഗമധ്യേ വരുന്ന പരാമര്‍ശങ്ങള്‍ സന്ദര്‍ഭത്തില്‍ നിന്നടര്‍ത്തിയെടുത്ത് പൊടിപ്പും തൊങ്ങലും വെച്ച് മീഡിയാശൈലി പ്രാപിക്കുമ്പോഴാണ് പ്രശ്‌നങ്ങളുണ്ടാവുന്നത്. എണ്ണമറ്റ ഭാവിപ്രശ്‌നങ്ങള്‍ ചര്‍ച്ചയ്‌ക്കെടുക്കാനുള്ള കേരളം ഇങ്ങനെ നിരര്‍ഥകമായ വിവാദങ്ങളില്‍ കുരുങ്ങിക്കിടന്നാല്‍ മതിയോ? ജനജീവിതം മെച്ചപ്പെടുത്താനുള്ള വിപുലമായ പദ്ധതികള്‍ അണിയറയിലുണ്ട്. പക്ഷേ, വിവാദവ്യവസായത്തിന്റെ ബഹളത്തില്‍ ഒന്നും നടക്കുന്നില്ല. സര്‍ക്കാറിന്റെ പ്രവര്‍ത്തനങ്ങളെയും വീഴ്ചകളെയുമാണ് പ്രതിപക്ഷം വിമര്‍ശിക്കേണ്ടത്.
'നോണ്‍ ഇഷ്യൂസ്' ആണ് പലപ്പോഴും 'ഇഷ്യൂ' ആയി രൂപാന്തരം പ്രാപിക്കുന്നത്. അതില്‍ ചുറ്റിത്തിരിയുകയാണ് ഭരണകൂടവും ജനതയും. വളര്‍ന്നുവരുന്ന തലമുറ ഇത് സമ്മതിക്കുമെന്ന് തോന്നുന്നില്ല. കാലത്തിനൊത്ത് എല്ലാവര്‍ക്കും സ്വയം മാറേണ്ടിവരും. ഇല്ലെങ്കില്‍ എല്ലാം മാറ്റിമറിക്കാന്‍ പുതുതലമുറ രംഗത്തിറങ്ങും.
കോണ്‍ഗ്രസ് - മുസ്‌ലിംലീഗ് ബന്ധം വൈകാരികമാണ്. ഇന്ദിരാഗാന്ധിയുടെ കാലത്താരംഭിച്ച് സോണിയാ ഗാന്ധിയിലെത്തി നില്‍ക്കുന്നത്; ബാഫഖി തങ്ങളിലൂടെ ആരംഭിച്ചത്. അതൊരു പോറലുമേല്‍ക്കാതെ നിലനില്‍ക്കും. ചെറിയ ചില അസ്വാരസ്യങ്ങളുണ്ടായപ്പോള്‍ സോണിയാജിയുടെ വീട്ടില്‍ വെച്ച് ശിഹാബ് തങ്ങളുമായി ചര്‍ച്ച നടത്തി പരിഹാരം കണ്ടെത്തിയത് ഓര്‍ക്കുന്നു. എല്ലാവരും പരസ്പര ധാരണയോടെ ഒത്തൊരുമിച്ച് നീങ്ങുന്നതാണ് യു.ഡി.എഫ്. ബന്ധം. അതില്‍ വിള്ളല്‍ വീഴ്ത്താന്‍ ആര് ശ്രമിച്ചാലും നടക്കില്ല. ആരെയും അനുവദിക്കുകയുമില്ല.
from : official website
കുഞ്ഞാലിക്കുട്ടിക്ക് ആശംസാ ഗാനം – തൊടുപുഴ യൂത്ത് ലീഗ്
നിയമ സഭാ തിരഞ്ഞെടുപ്പില്‍ വന്‍ വിജയം നേടിയ മുസ്ലിം ലീഗ് ജനറല്‍ സെക്രട്ടറി പാണ്ടിക്കടവത്ത് കുഞ്ഞാലിക്കുട്ടിക്ക് അഭിവാദ്യം അര്‍പ്പിച്ചു മുസ്ലിം യൂത്ത് ലീഗ് തൊടുപുഴ മണ്ഡലം കമ്മിറ്റി തയ്യാറാക്കിയ ഗാനം ...
താഴെ play ബട്ടണ്‍ ക്ലിക്ക് ചെയ്താലും കേള്‍ക്കാം ...
victory song p k kunjalikkutty | Upload Music
എ൯ഡോസൾഫാൻ ദുരിതബാധിതരുടെ കണ്ണീരൊപ്പുക :പി കെ കുഞ്ഞാലിക്കുട്ടി
എ൯ഡോസൾഫാൻ ദുരിതബാധിതരുടെ കണ്ണീരൊപ്പുക:
എ൯ഡോസൾഫാൻ എന്ന മാരകവിഷത്തിന്റെ വിപത്ത്‌ മൂലം ഒരായുസ്സുമുഴുവ൯ കഷ്ട്പ്പെടു്ന്ന നിരവധിയാളുകളാണ്‌ കാസ൪ക്കോടുള്ളത്‌. കാസ൪ക്കോടിന്‌ പുറമെ പാലക്കാട്‌ ചിറ്റൂ൪ താലൂക്കിലെ മുതലമടയിലും എന്‍ഡോസൾഫാനെ വിഷത്തിന്റെ വിപത്തിൽ ദുരിതമനുഭവിക്കുന്ന ഒരുപാട്‌ മനുഷ്യരുണ്ട്‌. ജീവിതത്തെ സംബന്ധിച്ച സകലപ്രതീക്ഷകളും നഷ്ട്ടപെട്ടവരാണ് .ലോകത്തെ ഒരു സമാധാനവാക്കിനും ഈ പാവങ്ങളെ ആശ്വസിപ്പിക്കാനാവില്ല. എന്‍ഡോസൾഫാൻ ദുരിതബാധിതരെ പലപ്പോഴും നേരിൽ കാണാ൯ സാധിച്ചിട്ടുണ്ട്‌. ഇവരുടെ ദയനീയമുഖം ഇപ്പോഴും മനസ്സിലുണ്ട്‌. നേരിൽ കാണാത്തവ൪ക്ക്‌ പോലും എന്‍ഡോസൾഫാൻ ദുരിതബാധിത൪ അനുഭവിക്കുന്ന വേദനയുടെ ആഴമറിയാം. അവരെ സഹായിക്കേണ്ടത്‌ മനുഷ്യത്വം മരവിച്ചിട്ത്തട്ടില്ലാത്ത ഓരോ മനുഷ്യരുടെയും ബാധ്യതയാണ്‌.
പ്ലാന്റെഷ൯ കോ൪പ്പറേഷന്റെ കശുവണ്ടി തോട്ടത്തിൽ മരുന്നുതെളിക്കാ൯ ഹെലികോപ്റ്ററുകളെത്തിയ ഒരു കാലമുണ്ടായിരുന്നു കാസ൪ക്കോട്. നാടൊടുക്കും വിഷമഴ പെയ്യിച്ച്‌ ഒരു ജനതയെ മുഴുവന്‍ നിത്യരോഗികളാക്കി. മാതാവിന്റെ ഗര്‍ഭപാത്രത്തില്‍ വെച്ചുതന്നെ കുഞ്ഞുങ്ങൾക്ക്‌ വൈകല്യം സംഭവിച്ചു. കണ്ണിലാതെ, കാതില്ലാതെ, സ്പര്‍ശനമറിയാനാകാതെ, ചിരിക്കാനോ കരയാനോ മിണ്ടാനോ പറ്റാതെ എത്രയോ കുഞ്ഞുങൾ. ലാഭക്കൊതി മൂത്തവരുടെ ചെയ്തികൾ കാരണം ദുരന്തമനുഭവിക്കുന്നു. എന്‍ഡോസൾഫാൻ തീ൪ത്ത ദുരന്തത്തിന്റെ ഇരകൾ ഇപ്പോഴും ഇവിടെയുണ്ട്‌. ഈ സാഹചര്യം നിലനില്‍ക്കെയാണ്‌ എന്‍ഡോസൾഫാൻ വിഷം വിതറുന്നുണ്ടോ എന്നു പഠിക്കാൻ കേന്ദ്രം വീണ്ടും കമ്മീഷനെ നിയോഗിച്ചിരിക്കുകയാണ്‌. എന്‍ഡോസൾഫാൻ ദുരിതമുണ്ടാക്കുന്നുണ്ടോ എന്നു പഠിക്കാ൯ ഒരു കമ്മിഷന്റെയും ആവശ്യമില്ല. എന്‍ഡോസള്‍ഫാന്റെ സാന്നിധ്യമുള്ള കാസ൪ക്കോടും പാലക്കാടും ഇത്തരത്തിൽ വിരൂപരായി ജീവിക്കേണ്ടി വരുന്ന ആയിരങ്ങളുള്ളത്‌. ഇനിയും ഒരു കമ്മിഷനെ നിയോഗിച്ച്‌ ഇവരെ പരിഹസിക്കാൻ ശ്രമിക്കരുത്‌. ആഗോളാടിസ്ഥാനത്തിൽ തന്നെ എന്‍ഡോസൾഫാനെതിരായ പ്രതിരോധം ഉയർന്നുവരുന്നുണ്ട്‌. ഈ രാജ്യങ്ങളുടെ പട്ടികയിലേക്ക്‌ ഇന്ത്യയും വരണം. എന്‍ഡോസൾഫാൻ കൊണ്ട് എത്രകോടി വരുമാനമുണ്ടായാലും ശരി അതെല്ലാം ഒഴിവാക്കി ഈ കൊലയാളികൾക്കെതിരായ പോരാട്ടത്തിന്‍ നേതൃത്വം വഹിക്കാന്‍ ഇന്ത്യ തയ്യാറാകണം.
എന്‍ഡോസൾഫാൻ ഉണ്ടാക്കുന്ന അപകടം തിരിച്ചറിഞ്ഞാണ്‌ ആന്റണി മുഖ്യമന്ത്രിയായ കാലത്ത്‌ കീടനാശിനി നിരോധിച്ചത്‌. നിരോധനം ഫലപ്രദമായി നടപ്പാക്കാന്‍ ഇപ്പോഴത്തെ സര്‍ക്കാറിന്‌ സാധിച്ചിട്ടില്ലൊന്നണ്‌ കാര്യങ്ങള്‍ തെളിയിക്കുന്നത്‌. നിരോധനം യാഥാര്‍ത്ഥ്യമാക്കാതെ ഈ മേഖലയില്‍ കേരള സര്‍ക്കാര്‍ തികഞ്ഞ നിരുത്തരവാദിത്വസമീപനം സ്വീകരിച്ചു. നമ്മുടെ അയല്‍സംസ്ഥാനങ്ങളില്‍ ഇപ്പോഴും എന്‍ഡോസൾഫാന്‌ നിരോധനമില്ല. അവിടെ നി്‌ന്നും യഥേഷ്്ടം കൊലയാളിവിഷം ഇവിടേക്ക്‌ ഒഴുകിക്കൊണ്ടിരിക്കുന്നു . എന്‍ഡോസൾഫാൻ രാജ്യമൊട്ട്ക്ക് നിരോധിക്കണമെന്ന് ആവശ്യപ്പെടുമ്പോഴും ഈ യാഥാര്‍ത്ഥ്യം നിലനില്‍ക്കുന്നു. അയൽസംസ്ഥാനങ്ങളില്ൽ നിന്ന് അനധികൃതമായി കടത്തിക്കൊണ്ടുവരുന്ന മുഴുവൻ വസ്തുക്കളും പിടിച്ചെടുക്കാൻ ഇവിടെ നിയമവും സംവിധാനവുമുണ്ട്‌. ഇത് നിലനിൽക്കെയാണ്‌ അതിർത്തിക്കപ്പുറത്തു നിന്ന് എന്‍ഡോസൾഫാൻ യഥേഷ്ടം വരുന്നത്‌. ഇതിനെതിരെ ഫലപ്രദമായ സമീപനം സംസ്ഥാന സർക്കാർ സ്വീകരിക്കണം. ദുരിതബാധിതർക്ക്‌ നഷ്ടപരിഹാരം നല്‍കേണ്ട ബാധ്യത തങ്ങൾക്കില്ലെന്ന സംസ്ഥാന പ്ലാന്റെഷ൯ കോ൪പ്പറേഷന്റെ സത്യവാങ്മൂലം ഒരു ജനതയോടുള്ള വെല്ലുവിളിയാണ്‌.
ഒരു നാടുമുഴുവൻ വിഷത്തിൽ മുക്കി മനുഷ്യനും മൃഗങ്ങള്‍ക്കും ജീവിക്കാ൯ പറ്റാതാക്കിയ ശേഷം ഞങ്ങളൊന്നുമറിയില്ലെന്ന ധാ൪ഷ്ട്യം അംഗീകരിക്കാനാവില്ല. ലോകചരിത്രത്തിൽ ഇങ്ങിനെയുള്ള പ്രഖ്യാപനങ്ങൾ അപൂ൪വ്വമാണ്‌. എന്‍ഡോസൾഫാൻ കൊണ്ടുണ്ടായ ദുരന്തത്തിന്‌ കാരണക്കാരായവ൪ക്ക്‌ ഇരകളെ സംരക്ഷിക്കാനുള്ള ബാധ്യതയുണ്ട്‌. ഇതില്‍ നിന്ന് പ്ലാന്റെഷ൯ കോ൪പ്പറേഷന്റെ സംസ്ഥാന സര്‍ക്കാറിനോ ഒഴിഞ്ഞുമാറാനാകില്ല. എന്‍ഡോസൾഫാൻ ദുരിതബാധിതർക്ക്‌ വികലാംഗപെ൯ഷനാണ്‌ നല്‍കിവരുന്നത്‌. ഇതിന്‌ പകരം ഇവർക്ക്‌ വേണ്ടി പ്രത്യേകം പാക്കേജ്‌ പ്രഖ്യാപിക്കണം. എത്രസഹായം നല്‍കിയാലും അതൊന്നും അധികമാകില്ല. ദുരിതബാധിതരെ സഹായിക്കാൻ എന്ന പേരിൽ സംസ്ഥാന സര്‍ക്കാർ രണ്ട്‌ സർവ്വേ നടത്തിയിരുന്നു. സംസ്ഥാന ആരോഗ്യവകുപ്പിന്റെയും സാമൂഹികക്ഷേമ വകുപ്പിന്റെയും കീഴിലാണ്‌ സർവ്വേ നടത്തിയത്‌. ഈ രണ്ട്‌ സർവ്വേകൾക്കും വേണ്ടി എടുത്ത സമയം മൂന്നുദിവസം മാത്രമാണ്‌. ആളുകളുടെ കണ്ണിൽ പൊടിയിടാൻ വേണ്ടിയല്ലാതെ ആത്മാ൪ത്ഥമായ ഇടപെടൽ സംസ്ഥാന സര്‍ക്കാറിന്റെ ഭാഗത്ത്‌ നിന്നുണ്ടായില്ല. എന്‍ഡോസൾഫാൻ ദുരിതബാധിതർക്ക്‌ വേണ്ടിയുള്ള പോരാട്ടത്തിലാണ്‌ മുസ്ലിം ലീഗ്. ഈ ദുരിതബാധിതരെ പരിഗണിക്കാതെ മുന്നോട്ടു പോകുന്നത്‌ കാലത്തോടും സമൂഹത്തോടുമുള്ള പരിഹാസമാണെന്നും മുസ്ലിം ലീഗ് മനസ്സിലാക്കുന്നു.
ഇതിനോട്‌ ചേർത്തുവായിക്കേണ്ട മറ്റു ചില വസ്തുതകളുണ്ട്‌. നമ്മുടെ കർഷകർക്ക്‌ അവരുടെ ആരോഗ്യത്തെ പറ്റി തീരെ ശ്രദ്ധയില്ലെന്നത് എടുത്തുപറയേണ്ടിയിരിക്കുന്നു. കാർഷികമേഖലയിൽ ഉപയോഗിക്കുന്ന മിക്ക കീടനാശിനികളിലും വലിയതോതിൽ വിഷാംശം കല൪ന്നതാണ്‌. എന്നാൽ യാതൊരുവിധ മു൯കരുതലുകളും പ്രതിരോധസംവിധാനങ്ങളുമില്ലാതെയാണ്‌ ക൪ഷക൪ കീടനാശിനികളുമായി കൃഷിസ്ഥലത്തിറങ്ങുന്നത്‌. മുഖാവരണം പോലും ധരിക്കാതെ കീടങ്ങളെ തുരത്താൻ വയലിലിറങ്ങുന്നവര്‍ അവരവർക്ക്‌ സംഭവിക്കാനിരിക്കുന്ന ദുരന്തത്തെ ഓർക്കാത്തതെന്താണ്‌. വിഷാംശം കല൪ന്ന കീടനാശിനികൾക്ക്‌ പകരം ജൈവകൃഷിയിലേക്കുള്ള ചുവടുമാറ്റം അത്യാവശ്യമാണ്‌. ആഗോളാടിസ്ഥാനത്തില്‍ ഈ മാറ്റം വന്നു കഴിഞ്ഞു. ജൈവകൃഷിയാണ്‌ കാലം ആവശ്യപ്പെടുത്‌. ഈ മേഖലയില്‍ കൂടുതൽ പഠനങ്ങളും ച൪ച്ചകളും നടത്തി ആരോഗ്യമുള്ള തലമുറയെ വാ൪ത്തെടുക്കാന്‍ ഭരണകൂടത്തിന്‌ ബാധ്യതയുണ്ട്‌.
വേങ്ങര : ഫേസ് ബുക്കില്‍ സഖാക്കള്‍ക്ക് സമനില തെറ്റിയിരിക്കുന്നു
വേങ്ങരയില്‍ യു ഡി എഫ് സ്ഥാനാര്‍ഥി കുഞ്ഞാലിക്കുട്ടിക്കെതിരില്‍ അപവാദ പ്രചരണം നടത്തി സഖാക്കളുടെ സമനില തെറ്റിയിരിക്കുന്നു ..കൃത്യമായ തെളിവുകളോ ,വാദങ്ങളോ ഇല്ലാതെ കേവലം തറ നിലവാരത്തിലുള്ള സഖാക്കളുടെ ആരോപണങ്ങളുടെ രീതി ഇടതു പാളയത്തില്‍ പോലും വിമര്‍ശന വിധേയമായിരിക്കുന്നു ..
താഴെ കാണുന്നത് ഒരു ഉദാഹരണം മാത്രം ..ഈ സംസ്കാരം സഖാക്കള്‍ക്ക് സ്വന്തം ... അത് കൊണ്ട് തന്നെ കേരള ജനത ഇവരെ പാഠം പഠിപ്പിക്കുവാന്‍ ഒരുങ്ങിക്കഴിഞ്ഞു ...
പാണ്ടിക്കടവത്ത് കുഞ്ഞാലിക്കുട്ടിക്ക് തൊടുപുഴയില്‍ ഉജ്ജ്വല സ്വീകരണം
തൊടുപുഴയില്‍ ഒരാഴ്ചയായി നടന്നു വരുന്ന മണ്ഡലം സമ്മേളനത്തില്‍ പങ്കെടുക്കുവാന്‍ എത്തിയ മുസ്ലിം ലീഗ് സംസ്ഥാന ജനറല്‍ സെക്രട്ടറി പാണ്ടിക്കടവത്ത് കുഞ്ഞാലിക്കുട്ടിക്ക് പ്രവര്‍ത്തകര്‍ ആവേശോജ്വലമായ സ്വീകരണം നല്‍കി
ഇടവെട്ടിയില്‍ നിന്നും യൂത്ത് ലീഗ് പ്രവര്‍ത്തകര്‍
ഇടവെട്ടിയില്‍ നിന്നും യൂത്ത് ലീഗ് പ്രവര്‍ത്തകര്‍
റോയ് കെ പൗലോസ്‌ (ഇടുക്കി ഡി സി സി പ്രസിഡന്റ്‌ )കുഞ്ഞാലിക്കുട്ടിയെ സ്വീകരിക്കുന്നു
ജന നായകനെ സ്വീകരിക്കുവാന്‍ ഇടവെട്ടിയില്‍ നിന്നും ലീഗ് പ്രവര്‍ത്തകര്‍പുറപ്പെടുന്നു തൊടുപുഴയിലെക്ക്
വീഡിയോ ഇവിടെ കാണാം
സ്വീകരണം കുഞ്ഞാലിക്കുട്ടി പ്രസംഗിക്കുന്നു ..1
കുഞ്ഞാലിക്കുട്ടി പ്രസംഗിക്കുന്നു...2
ഇടവെട്ടി ടീം
പ്രകടനം ...1
പ്രകടനം ....2
ഇതിനായി സബ്‌സ്ക്രൈബ് ചെയ്ത:
പോസ്റ്റുകള്‍ (Atom)
