മനോജും അബ്‌ദുള്ളക്കുട്ടിയും പിന്നെ മതവും‍

മനോജും അബ്‌ദുള്ളക്കുട്ടിയും പിന്നെ മതവും‍

ഓരോ സമിതികളില്‍ ഒരാള്‍ ഇന്ന്‌ അംഗമാക്കപ്പെടുന്നത്‌, ആ സഖാവിന്റെ അറിവോ നിലപാടുകളോ ജനങ്ങളിലെ സ്വാധീനമോ ഒന്നും പരിഗണിച്ചല്ലായെന്നതാണ്‌ സത്യം. മറിച്ച്‌ നേതൃത്വത്തിന്റെ സ്വാധീനമാണ്‌. പാര്‍ട്ടി നേതാക്കളോടുള്ള കൂറു മാത്രമാണ്‌. (ഇതിനെ വിഭാഗീയത എന്നു പറയുന്നതിനര്‍ഥമില്ല. പ്രത്യയശാസ്‌ത്രമോ നിലപാടോ ഇല്ലാതായാല്‍ ഏതു കക്ഷിയിലും പിന്നെ ഇതാണുണ്ടാകുക എന്ന കോണ്‍ഗ്രസിന്റെയടക്കം അനുഭവം ഓര്‍ക്കുക). ജനങ്ങളുടെ ശത്രുപക്ഷത്താണ്‌ പാര്‍ട്ടി നേതാക്കള്‍, ഒട്ടുമിക്ക ജനകീയ സമരമുഖങ്ങളിലും എന്നു കാണാം.

മുകളിലുള്ള നേതാവുമായി അടുപ്പവും അഴിമതിയിലെ പങ്കുകച്ചവടവുമുണ്ടെങ്കില്‍ സ്‌ഥാനമുറപ്പിക്കാം. പാര്‍ട്ടിയിലെ ഏതുതലംവരെയും ഉയരാം (ഒട്ടനവധിപേരുടെ പെട്ടെന്നുള്ള വളര്‍ച്ചയുടെ പിന്നാമ്പുറകഥകള്‍ ഇന്ന്‌ അങ്ങാടിപ്പാട്ടാണ്‌). അഴിമതിയുടെ ഒരു പരസ്‌പര സഹായ സംഘം മാത്രമായി പാര്‍ട്ടി. അവിടെ പ്രത്യയശാസ്‌ത്ര ചര്‍ച്ച നടത്തിക്കളയാന്‍ സമയമില്ല.

പാര്‍ട്ടിയിലെ അംഗങ്ങളെ ചേര്‍ത്തു നിര്‍ത്തിയിരുന്നത്‌ പ്രത്യയശാസ്‌ത്രത്തിന്റെ പശയായിരുന്നു. എന്നാല്‍ ഇന്നത്‌ അഴിമതിയുടെ ഫെവിക്കോളാണ്‌. ആര്‍ക്കും പ്രത്യയശാസ്‌ത്ര ബാധ്യതകളില്ലാത്തതിനാല്‍ത്തന്നെ എങ്ങോട്ടു പോകാനും പ്രശ്‌നമില്ലാതായിരിക്കുന്നു. ഇതിനിടയില്‍ മതവും വിശ്വാസവും ഒന്നും കൊണ്ടുവരേണ്ട കാര്യമില്ല.

മറിച്ച്‌ രാഷ്‌ട്രീയമില്ലാത്തിടത്ത്‌ മതവിശ്വാസമുപയോഗിച്ച്‌ സ്‌ഥാനങ്ങള്‍ നേടാനുള്ള ഇടതുപക്ഷതന്ത്രത്തിന്റെ ദയനീയ പരാജയമായി ഈ രാജികളെ കണ്ടാല്‍ മതി.

-സി.ആര്‍.നീലകണ്‌ഠന്‍
മുഴുവന്‍ വായിക്കുവാന്‍ താഴെ ക്ലിക്ക് ചെയ്യൂ


മംഗളം ദിനപത്രം 20.1.2010

തുടര്‍ന്ന് വായിക്കുക

മാര്‍ക്സിസ്റ്റായി മാറുന്ന പ്രക്രിയയില്‍ പാര്‍ട്ടി അംഗങ്ങള്‍ ശാസ്ത്രീയ ലോകവീക്ഷണം സ്വീകരിക്കുകയും മതവിശ്വാസം വെടിയുകയുമാണ് വേണ്ടത്.-പ്രകാശ് കാരാട്ട്

മാര്‍ക്സിസ്റ്റായി മാറുന്ന പ്രക്രിയയില്‍ പാര്‍ട്ടി അംഗങ്ങള്‍ ശാസ്ത്രീയ ലോകവീക്ഷണം സ്വീകരിക്കുകയും മതവിശ്വാസം വെടിയുകയുമാണ് വേണ്ടത്.-പ്രകാശ് കാരാട്ട്

''മതവിശ്വാസമോ ആചാരമോ ഉപേക്ഷിക്കാന്‍ പാര്‍ട്ടി അംഗങ്ങളോട് ആവശ്യപ്പെടുന്നില്ല. എന്നാല്‍ കമ്യൂണിസ്റ്റ് മൂല്യങ്ങള്‍ക്ക് നിരക്കാത്ത അയിത്തമോ വിധവാ വിവാഹം തടയല്‍ പോലുള്ള സ്ത്രീവിവേചനപരമായ നടപടികളോ മതാചാരങ്ങളുടെ പേരില്‍ നിലനില്‍ക്കുന്നുണ്ടെങ്കില്‍ നിലപാട് എടുക്കാന്‍ ബാധ്യസ്ഥരാണ്.... എന്നാല്‍ വൈരുധ്യാതിഷ്ഠിത ഭൌതികവാദത്തിന്റെ അടിസ്ഥാനത്തിലുള്ള മാര്‍ക്സിസ്റ്റ് ലോകവീക്ഷണം നേതൃനിരയിലുള്ള കേഡര്‍മാര്‍ ഉള്‍ക്കൊള്ളണമെന്ന് പാര്‍ട്ടി പ്രതീക്ഷിക്കുന്നു. മാര്‍ക്സിസ്റ്റായി മാറുന്ന പ്രക്രിയയില്‍ പാര്‍ട്ടി അംഗങ്ങള്‍ ശാസ്ത്രീയ ലോകവീക്ഷണം സ്വീകരിക്കുകയും മതവിശ്വാസം വെടിയുകയുമാണ് വേണ്ടത്.... പ്രമുഖരായ പാര്‍ട്ടി പ്രവര്‍ത്തകരും ജനപ്രതിനിധികളും മതപരമായ ചടങ്ങുകള്‍ സംഘടിപ്പിക്കരുതെന്നും വ്യക്തിപരമായി മതാചാരങ്ങള്‍ നടത്തരുതെന്നും നിര്‍ദേശിച്ചിട്ടുണ്ട്. സംസ്ഥാന^ ജില്ലാ കമ്മിറ്റി അംഗങ്ങള്‍, ഏരിയ കമ്മിറ്റി അംഗങ്ങള്‍ എന്നിവരെപോലുള്ള പ്രമുഖരായ പ്രവര്‍ത്തകര്‍ വ്യക്തി സാമൂഹിക ജീവിതത്തില്‍ പുരോഗമന മൂല്യങ്ങള്‍ ഉയര്‍ത്തിപ്പിടിക്കണമെന്ന് പ്രതീക്ഷിക്കുന്നു. അവര്‍ക്ക് മറ്റുള്ളവര്‍ സംഘടിപ്പിക്കുന്ന മതപരമായ ചടങ്ങുകളുള്ള സാമൂഹിക പരിപാടികളില്‍ പങ്കെടുക്കാമെന്നത് വേറെ കാര്യം; പ്രത്യേകിച്ച് എം.എല്‍.എ, പഞ്ചായത്തംഗം എന്നിവരെപോലുള്ളവര്‍ക്ക്,^ കാരാട്ട്വ്യക്തമാക്കി.

മാധ്യമം ദിനപത്രം 15.1.2010

ഒടുവില്‍ പൂച്ച പുറത്തു ചാടി :

മതത്തെ എതിര്‍ക്കുവാന്‍ കണ്ടു പിടിച്ച കാരണങ്ങള്‍ ബഹു ജോറായി .....

."no comments"

തുടര്‍ന്ന് വായിക്കുക

'അരപ്പാതിരി'- കൃത്യമായ പ്രയോഗം .

'അരപ്പാതിരി'- കൃത്യമായ പ്രയോഗം .

മതം, അനാശാസ്യം: പിണറായിയുടെ മറുപടി:'മനോജ്‌ പണ്ടേ അരപ്പാതിരി;

......
ദൈവവിശ്വാസികളെ തടയുന്നതു പാര്‍ട്ടിനയമല്ല. പാതിരിമാര്‍ സമ്മതിച്ചാല്‍ അവരെയും പാര്‍ട്ടി സ്‌ഥാനാര്‍ഥികളാക്കും. ഭക്‌തിപാരമ്യത്തില്‍ നില്‍ക്കുന്ന മനോജ്‌ സ്‌ഥാനാര്‍ഥിയാകണമെന്നു പാര്‍ട്ടിക്കു നിര്‍ബന്ധമുണ്ടായിരുന്നില്ല. പൊതുസമ്മതനായ ഒരാള്‍ സ്‌ഥാനാര്‍ഥിയാകണമെന്നേ ഉദ്ദേശിച്ചുള്ളൂ. അദ്ദേഹം മാന്യമായാണു പാര്‍ട്ടിയോടു പെരുമാറിയിരുന്നത്‌.

മംഗളം ദിനപത്രം 12.1.2010

ദീര്‍ഘ ദൃഷ്ടി :

(വീണ്ടും ചിന്തിക്കുവാന്‍ )
............ദൈവ നിഷേധവും മത നിരാസവും അടിസ്ഥാന സിദ്ധാന്തമായി സ്വീകരിക്കുന്ന കമ്മൂണിസ്റ്റ് പാര്‍ട്ടികളില്‍ ഒരു യഥാര്‍ത്ഥ മുസ്ലിമിന് പ്രവര്‍ത്തിക്കാന്‍ യാതൊരു ന്യായവുമില്ല .ഒരു കമ്മൂണിസ്റ്റ് മുസ്ലിമിന് കമ്യൂണിസതോടും ഇസ്ലാമിനോടും ഒരു പോലെ നീതി പുലര്‍ത്തുക തികച്ചും അസാദ്ധ്യമാകുന്നു .രണ്ടില്‍ ഒന്നിനോട് കാപട്യമോ ഉദാസീനതയോ പുലര്‍ത്താന്‍ അയാള്‍ നിര്‍ബണ്ടിതനായി തീരും ........................ അവലംബം :മതം ,രാഷ്ട്രീയം ഇസ്ലാഹി പ്രസ്ഥാനം ,പേജ്:193
മതത്തെയോ മതക്കാരെയോ എപ്പോഴെങ്കിലും അത് സഹിക്കുന്നുന്ടെങ്കില്‍ ഒരു താല്‍ക്കാലിക നയം എന്ന നിലക്ക് മാത്രമാണ്
(മര്‍ഹൂം അബ്ദുള്ള മൌലവി ,ഇബാദത്ത് ഒരു സമഗ്ര പഠനം ,പഴയ പതിപ്പ് ,പേജ് :224-226)
അവലംബം :മതം ,രാഷ്ട്രീയം ഇസ്ലാഹി പ്രസ്ഥാനം ,പേജ്:193-194
പ്രസിദ്ധീകരിച്ചത് :യുവത ബുക്ക്‌ ഹൌസ് ,മര്‍കസുദവ , കോഴിക്കോട് .

ഓര്‍ത്തിരിക്കാന്‍ :
തിരഞ്ചെടുപ്പുകള്‍ ഇനിയും വരും .
കമ്യൂണിസ്‌റ്റ് പാര്‍ട്ടി 'അരപ്പാതിരികളെ' തിരഞ്ചു വീണ്ടും ഇറങ്ങും . തെറ്റ് തിരുത്തല്‍ രേഖ AKG സെന്ററില്‍ പൊടി പിടിച്ചു കിടക്കും .
പൊതു ജനം വീണ്ടും ഇവര്‍ക്ക് വോട്ടു ചെയ്തു കഴുതകളാകും

വിവേകികളായ മത വിശ്വാസികള്‍ തിരിച്ചറിയട്ടെ, ഓര്‍ത്തിരിക്കട്ടെ .

തുടര്‍ന്ന് വായിക്കുക

മതത്തേക്കാള്‍ വലുതല്ല പ്രത്യയ ശാസ്ത്രം ,- കെ.എസ് മനോജ് സി.പി.എം വിട്ടു

മതത്തേക്കാള്‍ വലുതല്ല പ്രത്യയ ശാസ്ത്രം ,- കെ.എസ് മനോജ് സി.പി.എം വിട്ടു

ന്യൂദല്‍ഹി: മതവിശ്വാസത്തിന് വിലക്ക് ഏര്‍പ്പെടുത്തിയ സി.പി.എമ്മിന്റെ തെറ്റുതിരുത്തല്‍ രേഖക്കൊത്ത് മുന്നോട്ടു പോകാന്‍ കഴിയില്ലെന്ന് വ്യക്തമാക്കി ആലപ്പുഴ മുന്‍ എം.പി ഡോ.കെ.എസ് മനോജ് പാര്‍ട്ടി വിട്ടു. മതപരമായ തന്റെ വിശ്വാസവും പാര്‍ട്ടി മുന്നോട്ടു വെക്കുന്ന പ്രത്യയശാസ്ത്രവും തമ്മില്‍ ഒത്തുപോകില്ലെന്ന് മനോജ് രാജിക്കത്തില്‍ വ്യക്തമാക്കി. മതവിശ്വാസത്തോട് അടുത്തു നില്‍ക്കാനാണ് താന്‍ താല്‍പര്യപ്പെടുന്നത്.
ഇടതു സ്ഥാനാര്‍ഥിയായി ലോക്സഭയിലേക്ക് നാമനിര്‍ദേശ പത്രിക നല്‍കിയപ്പോഴും എം.പിയായും ദൈവനാമത്തില്‍ സത്യപ്രതിജ്ഞ ചൊല്ലിയ തനിക്ക് പൊടുന്നനെ പാര്‍ട്ടി ഏര്‍പ്പെടുത്തിയ വിശ്വാസപരമായ നിയന്ത്രണം മനസ്സിലാവുന്നില്ല. പാര്‍ട്ടിയില്‍ തുടര്‍ന്നാല്‍ തന്റെ വിശ്വാസത്തോടോ, പാര്‍ട്ടിയുടെ നയത്തോടോ നീതി പുലര്‍ത്താന്‍ കഴിയില്ല. ഇപ്പോള്‍ തെറ്റുതിരുത്തല്‍ രേഖയില്‍ കൊണ്ടുവന്നിരിക്കുന്ന വിലക്ക് പാര്‍ട്ടിയുടെയും രാജ്യത്തിന്റെയും ഭരണഘടനക്ക് നിരക്കുന്നതല്ല. അതുകൊണ്ട് സ്വന്തം മതവിശ്വാസം കൊണ്ടുനടക്കാന്‍ ഒരു വ്യക്തിക്കുള്ള അവകാശം സ്ഥാപിക്കുന്ന വിധം തെറ്റുതിരുത്തല്‍ രേഖ പാര്‍ട്ടി പുനഃപരിശോധിക്കണമെന്ന് രാജിക്കത്തില്‍ ആവശ്യപ്പെട്ടു. താന്‍ പാര്‍ട്ടിയിലേക്ക് വന്ന സമയത്ത് മതപരമായ വിശ്വാസങ്ങളോട് ഇത്തരമൊരു കടുത്ത സമീപനം സി.പി.എം പുലര്‍ത്തിയിരുന്നില്ല. 2004ല്‍ ആലപ്പുഴ ലോക്സഭാ മണ്ഡലത്തിലേക്ക് തന്നെ സ്ഥാനാര്‍ഥിയായി സി.പി.എം തെരഞ്ഞെടുത്തപ്പോള്‍ ലത്തീന്‍ കാത്തലിക് അസോസിയേഷന്‍ പ്രസിഡന്റായിരുന്നു. 2006ലാണ് സി.പി.എം അംഗത്വമെടുത്തത്. അന്നൊന്നും മതവിശ്വാസം പ്രശ്നമായിരുന്നില്ല.
(മാധ്യമം ദിനപത്രം9-1-2010 )

ദീര്‍ഘ ദൃഷ്ടി :

" മതത്തിന്റെ പരിവേഷമോന്നുമില്ലാതെ തന്നെ മനുഷ്യനെ അല്ലാഹുവിനുള്ള സര്‍വ്വാര്‍പ്പണത്തില്‍ നിന്നു

തെറ്റിക്കുന്ന ദൃശൃങ്ങളായ വേറെയും പല ശക്തികളുണ്ടിവിടെ .അവയും ത്വാഗൂതിന്റെ വിഭാഗങ്ങള്‍ തന്നെ.ഉദാഹരണത്തിന് കമ്മൂണിസ്റ്റു പാര്‍ട്ടി .അവാന്തര വിഭാഗങ്ങള്‍ എല്ലാം ഉദ്ദേശിക്കപ്പെട്ടിരിക്കുന്നു.വ്യക്തമായ ആദര്‍ശ - ലകഷ്യ - പരിപാടികളുന്ടതിന് . വൈരുധ്യധിസ്റിത
ഭൌതിക വാദമാനതിന്റെ ആദര്‍ശം .വര്‍ഗരഹിത സമുദായമാണ് അന്തിമ ലക്‌ഷ്യം .വര്‍ഗ സമരമാണ് പ്രവര്‍ത്തന മാര്‍ഗം .അതിന്റെ വീക്ഷണത്തില്‍ എതിര്‍ത്ത് തോല്പ്പിക്കപ്പെടെണ്ട ഒരു ചീത്ത വസ്തുവാണ് മതം അതോടു അനുബന്ധപ്പെട്ട സകലതും അങ്ങനെ തന്നെ .മതത്തെയോ മതക്കാരെയോ എപ്പോഴെങ്കിലും അത് സഹിക്കുന്നുന്ടെങ്കില്‍ ഒരു താല്‍ക്കാലിക നയം എന്ന നിലക്ക് മാത്രമാണ് .പെറ്റു പേരുകേണ്ട ജാത്യോ സമുദായമോ അല്ല ,ആക്രമനാത്മകമായ പ്രചാരണ സ്വഭാവത്തോട് കൂടിയ ഒരു ആദര്‍ശ പാര്ടിയാനത് .ചുരുങ്ങിയ കാലം കൊണ്ട് അത് ലോകത്ത് വലിയൊരു ശക്തിയായി വളര്‍ന്നിരിക്കുന്നു .ലോക മനുഷ്യരില്‍ മത ശത്രുക്കളെയോ മത വിരോധികളെയോ മാത്രം തിരഞ്ഞെടുത്തു സംഗടിപ്പിച്ചുണ്ടാക്കിയതല്ല ഈ പാര്‍ട്ടി .ജൂതനോ ,ക്രിസ്ത്യനോ ,ഹിന്ദുവോ, മുസ്ലിമോ ,താവോ മതക്കാരനോ ,ബുദ്ധ മതക്കാരനോ ആയിരുന്നവരാന് ഈ വന്‍ പാര്‍ട്ടിയിലെ മിക്ക അംഗങ്ങളും .പാര്‍ട്ടിയുടെ ആദര്‍ശ ലക്ഷ്യങ്ങള്‍ പൂര്‍ന്നമയുള്‍ക്കൊല്ലാത്ത എത്രയോ പേര്‍ ഇക്കൂട്ടതിലുന്ടെന്ന യാഥാര്‍ത്ഥ്യം ഇവിടെ വിസ്മരിക്കുന്നില്ല .എന്നാല്‍ അവരും പാര്‍ട്ടിയുടെ നേതൃത്വം അന്ഗീകരിക്കുന്നവരും ജീവിതത്തിന്റെ സിംഹ ഭാഗവും പാര്‍ട്ടിക്ക് വിട്ടു കൊടുത്തവരും തന്നെയാണെന്ന വസ്തുതയും അവഗണിച്ചു കൂടാ.ഏതു നിലക്കും പാര്‍ടിയുമായി ബന്ധപ്പെട്ട എല്ലാവരെയും പാര്‍ട്ടി അല്ലാഹുവിനുള്ള സര്വാര്‍പ്പനത്തില്‍ നിന്ന് വളരെ അകലെ മാറ്റി നിര്ത്തുന്നു .മതമോ മതത്തിന്റെ പരിവേഷമോ ഒന്നും ഇവിടെയില്ല .ദൈവം തന്നെ ഇല്ലെങ്ങില്‍ പിന്നെ പിന്നെ എന്ത് മതം! ഇവിടെ പേര് മാറുന്നില്ല,സമുദായം മാറുന്നില്ല,ജാതി മാറുന്നില്ല,മതം മാറുന്നില്ല.ഇവയുമായി ബന്ധപ്പെട്ട അവകാശങ്ങള് ഒന്നും നഷ്ടപ്പെടുന്നുമില്ല .എല്ലാം നില നിര്‍ത്തിക്കൊണ്ട് തന്നെ മനുഷ്യന്‍ മത പരിത്യാഗി ആയിതീരുകയാണ്.ഒറ്റക്കും കൂട്ടമായും ഏതെങ്കിലും ഒരിടതല്ല .ലോകത്തിന്റെ പല ഭാഗങ്ങളിലും സര്‍വ സാധാരണം ആയിക്കഴിഞ്ഞിരിക്കുന്നു .എല്ലാവര്ക്കും ശീലിച്ചു കഴിഞ്ഞിരിക്കുന്നു .ആര്‍ക്കും ബെജാറില്ല . ആക്ഷേപമില്ല .....
എന്നാല്‍ കാര്യം അത്ര നിസാരമല്ല .ഇസ്ലാമിനെതിരെ ഇത്ര കടുത്ത ഒരു വിപത്ത് ഇതിനു മുന്‍പ് ഉണ്ടായിട്ടുണ്ടോ എന്ന് സംശയിക്കണം .രാഷ്ട്രീയമെന്ന് വെച്ച് അവഗണിക്കുവാന്‍ പറ്റിയതല്ലിത് .
ഒരാള്‍ കമ്മൂണിസ്റ്റ് ആകുമ്പോള്‍ ക്രമേണ എങ്കിലും അദ്ദേഹം മത ശത്രുവോ മത രഹിതനോ ആയി മാറുന്നുണ്ടെങ്കില്‍ ,കമ്മൂണിസം അതാണ്‌ പഠിപ്പിക്കുന്നതെങ്കില്‍ സാക്ഷാല്‍ കമ്മൂണിസ്റ്റുകള്‍ അത് തുറന്നു സമ്മതിക്കുന്നുമുന്ടെങ്കില്‍ പിന്നെ കമ്മൂണിസത്തിലെക്കുള്ള ഈ കുലം കുത്തി ഒഴുക്ക് അവഗണിക്കുന്നത് ഉത്തരവാതിത്വതില്‍ നിന്നുള്ള ഒളിച്ചോട്ടമാണ് ;ആത്മഹത്യാപരമായ ഭീരുത്വമാണ് "

(മര്‍ഹൂം അബ്ദുള്ള മൌലവി ,ഇബാദത്ത് ഒരു സമഗ്ര പഠനം ,പഴയ പതിപ്പ് ,പേജ് :224-226)
അവലംബം :മതം ,രാഷ്ട്രീയം ഇസ്ലാഹി പ്രസ്ഥാനം ,പേജ്:193-194
പ്രസിദ്ധീകരിച്ചത് :യുവത ബുക്ക്‌ ഹൌസ് ,മര്‍കസുദവ , കോഴിക്കോട് .

തുടര്‍ന്ന് വായിക്കുക

മുസ്ലിം പിന്നാക്കാവസ്ഥയുടെ കാരണക്കാ‍ര്‍ ആര്??????

മുസ്ലിം പിന്നാക്കാവസ്ഥയുടെ കാരണക്കാ‍ര്‍ ആര്??????

അക്ഷരവൈരികളായ മത പുരോഹിതന്മാരാണ് ഇതിനെല്ലാം തടസ്സമാകുന്നത്. അവരെ പിടിച്ചുകെട്ടി മതപാഠശാലകള്‍ അടച്ചുപൂട്ടിയാല്‍ മാത്രമേ മുസ്ലിം സമുദായം രക്ഷപ്പെടുകയുള്ളൂ! ഇഹലോകജീവിതം വെറും പരീക്ഷണമാണെന്നും പരലോകത്തു സ്വര്‍ഗ്ഗമുറപ്പിക്കാന്‍ വേണ്ടതു ദിക്രും ദുആയും നിസ്കാരവുമാണെന്നും പഠിപ്പിക്കുന്ന മദ്രസകള്‍ തന്നെയാണ് മുസ്ലിം പുരോഗതിയുടെ പ്രധാന ശത്രു!!!


( ഇവിടെ മുഴുവന്‍ വായിക്കൂ)
എഴുതിയത്:ഇ എ ജബ്ബാര്‍

തുടര്‍ന്ന് വായിക്കുക

മഅദനിയും ഭാര്യയും ഭീകരവാദികളാണോ?

മഅദനിയും ഭാര്യയും ഭീകരവാദികളാണോ?

ബാബറി മസ്ജിദ് തകര്‍ത്ത സമയത്ത് ആര്‍.എസ്.എസിനെ നേരിടാന്‍ ഇസ്ലാമിക് സേവക് സംഘ് (ഐ.എസ്.എസ്.) രൂപവത്കരിക്കുകയും തീവ്രവാദപ്രചാരണം നടത്തുകയും ചെയ്ത ആളാണ് മദനി. അതിന്റെ പേരില്‍ അയാള്‍ക്ക് ബോംബേറ് ഏല്‍ക്കേണ്ടിവന്നു, ഒരു കാല്‍ നഷ്ടപ്പെട്ടു. പത്തുവര്‍ഷക്കാലം ജയില്‍ വാസം അനുഭവിക്കേണ്ടിയും വന്നു. ഐ.എസ്.എസ്. രൂപവത്കരിച്ചതും തീവ്രവാദപ്രചാരണം നടത്തിയതും തെറ്റായിപ്പോയെന്ന് പരസ്യമായി സമ്മതിക്കുകയും ഇനി അത് ആവര്‍ത്തിക്കുകയില്ലെന്ന് പ്രതിജ്ഞയെടുക്കുകയും ചെയ്ത മദനിയെയും നിരപരാധിനിയായ സൂഫിയയെയും ഭീകരവാദികളായി ചാപ്പ കുത്തുന്നതിന്റെ ഉദ്ദേശ്യം രാഷ്ട്രീയമാണ്.

( ഇവിടെ മുഴുവന്‍ വായിക്കൂ)

എഴുതിയത്: മുഹമ്മദ്‌ അലി

തുടര്‍ന്ന് വായിക്കുക

ഇരകളും വേട്ടക്കാരും

ഇരകളും വേട്ടക്കാരും

ഇരവാദത്തില്‍ നിന്നും ഭീകരവാദത്തിലേക്കുള്ള ദൂരം മുസ്‌ലിംജനത മനസ്സിരുത്തി പഠിക്കേണ്ട വിഷയമാണ്. ജനാധിപത്യത്തേക്കാള്‍, മതേതരത്വത്തേക്കാള്‍ മഹത്തായ ഒന്നുസൃഷ്ടിക്കാന്‍ ശ്രമിച്ച് ദയനീയമായി പരാജയപ്പെട്ട മുഹമ്മദലി ജിന്നയെ നാം മറക്കാനിടയില്ല. ഒരര്‍ഥത്തില്‍ ഇന്നത്തെ ഇരവാദികളുടെ പിതാമഹനായി ജിന്നയെ വിലയിരുത്താം. എങ്കില്‍ മാത്രമേ ഇന്ത്യയെന്ന മഹത്തായ രാഷ്ട്രത്തെ നിങ്ങള്‍ക്ക് തിരിച്ചറിയാനാകൂ


കേരളത്തിലെ മുസ്‌ലിം തീവ്രവാദം പുതിയ ആകാശവും ഭൂമിയും തേടിയുള്ള പ്രയാണംതുടരുമ്പോള്‍ ചില പച്ചയായ യാഥാര്‍ഥ്യങ്ങള്‍ പങ്കുവെക്കാതെ നിവൃത്തിയില്ല. ഇരകളും വേട്ടക്കാരും എന്നപ്രയോഗം തൊണ്ണൂറുകളുടെ അവസാനം രൂപംകൊണ്ട് ഇപ്പോള്‍ ഏതാണ്ട് ആഘോഷമായിത്തന്നെ കൊണ്ടാടുന്ന ഒരു പ്രത്യേക സംഗതിയാണ്. നമ്മുടെ സകല സാംസ്‌കാരിക നായകരും ബുദ്ധിജീവികളും അറിഞ്ഞോ അറിയാതെയോ വീണുപോയ ചതുപ്പുനിലം. നാടന്‍ഭാഷയില്‍ പറഞ്ഞാല്‍ ആടിനെ പട്ടിയാക്കുന്ന രാസപ്രക്രിയയാണ് ഇതിലൂടെ സൃഷ്ടിക്കപ്പെട്ടത് എന്നസത്യം ഇനിയും മറച്ചുവെക്കേണ്ട കാര്യമില്ല.


(ഇവിടെ മുഴുവന്‍ വായിക്കൂ)
കണ്ടത് -:

ഗള്‍ഫ് വോയ്‌സ്

തുടര്‍ന്ന് വായിക്കുക